Morrió Rafael Balbín

El pasáu vienres morrió en Villaviciosa Rafael Balbín Loredo a la edá de 34 años. Investigador del patrimoniu cultural y la historia de Villaviciosa, Balbín yera ún de los miembros más activos de l'Asociación de Amigos del Paisaxe de Villaviciosa (CUBERA) y de la Tertulia Cultural "El Garrapiellu" de Xixón. Ente los sos estudios y llibros más importantes rescamplen les obres "los Molinos de Villaviciosa" y "Los molinos del Profundu" ne que fai un recorríu pelos molinos d'agua d'esti conceyu.

Investigador de la historia del Llealtá Club de Fútbol y cronista de los partíos que se xueguen en campu de Les Caleyes, Balbín ye tamién autor d'un llibru sobre los 80 años del equipu de fútbol de Maliayo, amás d'un estudiu sobre la Cruz Procesional de la parroquia de Fuentes, el trabayu "La Ferrería de Dueñes. Parroquia de Arroes"; y, con motivu del bicentenariu del nacimientu de Xosé Caveda y Nava, una investigación sobre un retratu del padre del insigne asturianista, Francisco de Paula Caveda, posíblemente obra de Goya. Dedicáu profesionalmente como empresariu al turismu rural, Balbín tenía pa teminar un inventariu de los horros y paneres del conceyu.