Morrió la escritora Eva González

La escritora n'asturianu Eva González morrió ayer nel so pueblu natal de Palacios del Sil a la edá de 89 años. La escritora palaciega dióse a conocer nos entamos del Surdimientu, con una obra poética y narrativa escrita na so llingua materna, l'asturianu, nesti casu na so variante occidental. Una bona parte de la so obra publicola xunta al so fíu y académicu de la llingua, Roberto González-Quevedo. Eva González ye autora d'obres como "Xeitus: poesías ya cuentus",
"Poesías ya hestorias na nuesa tsingua",

"Poesías ya cuentus na nuesa tsingua", "Bitsaron: cousas pa nenus ya pa grandes na nuesa tsingua", "Xentiquina: poesías ya cuentus"

y "Brañas d'antanu ya xente d'anguanu". Nel añu 1991 l'Academia de la Llingua axuntó tola so obra poética baxo'l titulu de "Poesía completa 1980-1991". L'entierru va ser en Palacios de Sil güei a les 18.30 h.