Militantes del PAS anuncien la creación d'una corriente d'opinión

Militantes y cargos del Partíu Asturianista anunciaron ayeri la presentación esti llunes 1 d'avientu d'un documentu entituláu "manifiestu pol cambéu y la renovación nel PAS" col que quieren constituyise como corriente d'opinión dientro del partíu. El documentu que va presentase'l llunes vien firmáu por persones que tovieron o tienen cargos d'importancia na formación asturianista, rescamplando ente ellos José Manuel Balbuena, que foi candidatu a l'alcaldía de Xixón. Otros firmantes del manifiestu son César Fernández, miembru de la Xunta Nacional del PAS, Isidro Molina, que foi candidatu a l'alcaldía de Villaviciosa, Enrique Rodríguez Garrido, vicesecretariu de l'agrupación de Xixón y Xabiel García Pañeda, secretariu de Xuventú Asturianista.