Mieres ta de Folixa

Tolos años per estes feches tenemos una cita qu'añu
tres añu va afitándose, ye la Folixa na Primavera de Mieres. Esta
iniciativa va garrando adulces importancia, ya nun solo nos festivales
d'equí d'Asturies, si non tamién nel circuitu de conciertos de
tol Estáu. Esti prestixu consiguise ufiertando una gran bayura
d'actividaes, ente les que tan les actuaciones de bandes de gaites, grupos de
baille, solistes, conferencies, y los grandes conciertos de vienres y
sábadu de nueche.

Les actividaes ya entamen esti llunes 15 d'abril y durarán
hasta'l próximu domingu 21. Ente les actividaes podemos topar una
conferencia col títulu de "La Cultura tradicional asturiana:
movimientos de recuperación", por Dª. María Felisa
Santoveña Zapatero, del Conceyu de Cultura Tradicional "Vezos
Astures" el martes 16, y otra conferencia'l xueves 18 sobre "La
percusión na música tradicional asturiana", por D. Manuel A.
Cordero González, les dos charres sedrán les 20:00 na casa
cultura de Mieres "Teodoro Cuesta".

El vienres les actividaes entamarán enantes, y podremos ver al
grupu de Baille Xorrecer, la banda de gaites Villa de Mieres, teatru, asina
como l'actuación de tres participantes del troféu Mc. Callan,
Jorge Fernández Areces, ganador "Mc. Callan", añu 1995,
Diego Pangua Cuesta, ganador "Mc. Callan" añu 2000, Celso
Díaz Cuervo, ganador "Memorial Remis Ovalle" añu
2001.

Pela nueche actuarán el grupu de folk cántabru "Luetiga", y la gaitera gallega Susana
Seivane con tola so banda, a partir de les 22:30 de la nueche, enantes d'estos
dos grupos actuará la bandina "La Galvana"

El sábadu les actividaes entamen ya pela mañana, y duren
tol día con bandes de gaites, deportes tradicionales, hasta la nueche
que sedrá l'actuación de Corquieu y
Wolfstone. El domingu 21
tamién vamos tener actuaciones tol día, que sirven de remate pa
toa esta selmana. Nun podemos ponevos equí tola riestra d'actividaes
asina que convidámosvos a que visitéis
esta web con tol
programa.