Mieres pieslla'l cartel de la Folixa

Mieres peslló ayeri'l cartel de la Folixa na primavera d'anguaño, que va facese ente'l 23 y el 25 d'abril. Nelli rescampla la presencia de los bretones Skolvan, que van tocar el vienres xunta l'artista gallega Mercedes Peon. La compositora, gaitera y estudiosa de la tradición musical gallega ye tamién editora discográfica dende la creación de la marca "Discotrompo"

La segunda nueche de la folixa queda colos asturianos Llangres y el gaiteru irlandés John McSherry, un nome qu'igual nun diz muncho según se siente pero que ye'l gaiteru fundador de dos importantísimos grupos folk, Lunasa y Tamalin. El catálogu de collaboraciones d'esti mayestru de la uilean pipe inclúi tamién a Sharon Shannon, Clannad o Dan ar Braz.

El cartel de la folixa, amás de los conciertos, inclúi actuaciones, talleres y acontecimientos que complementen trés díes enteros de celebración. La conceyalía de Cultura y festeyos de Mieres va a dar d'equí a dientro poco más detalles sobre'l conteníu de la folixa.