MIAS va celebrar la so I Asamblea Xeneral

La organización de mocedá del partíu nacionalista Izquierda Asturiana dio anuncia ayeri de la celebración, pa esti sábadu 29 de xunetu, de la "I Asamblea Xeneral de MIAS" que va tener interés organizativu y estratéxicu de cara a los próximos meses.

N'Asamblea Xeneral van presentase ponencies sobre los temes más importantes de la política que Mocedá d'Izquierda Asturiana vien desendolcando y va entamase un procesu de propuestes preelectorales de mocedá y pa la estratexa d'implantación y espardimientu de MIAS. Otramanera, nesta Asamblea va fundase un órganu de representación que se xustifica como "rempuesta a les necesidaes organizatives que surden col incrementu de la militancia" y "p'axilizar les xestiones qu'afecten a los temes más cotidianos de la organización".