Merlín esconxura en Xixón

Los conciertos del Trisquel traen el xueves al veteranu grupu de Xixón "Merlín".

Esta vegada'l café Trisquel de Xixón va traenos l'actuación d'ún de los grupos que tienen fecho historia nel mundu de la música folk asturiano. "Merlín" podemos considerala como la formación "B" de los miembros de "Lliberdón", un grupu paralelu nel que, ensin perder esi estilu folk acústicu, allegáu a la tradición y folixeru, que marca'l soníu de Lliberdón, los miembros del conxuntu cambien el repertoriu abriéndose a temes asturianos, escoceses, irlandeses o d'au haya música que valga pa montar la folixa. Pa echar unos bailles con Merlín namás qu'hai dir esti xueves 18 a les 21:30 hores al café Trisquel de Xixón.

Nes próximes selmanes va haber más música nel chigre xixonés, primero col grupu del curdionista y percusionista David Varela, que fai xunta un garapiellu d'amigos la banda "Pal Pozón". Dempués d'ellos va llegar al escenariu del chigre de la cai Marqués de San Esteban la banda "Fool Esemble" mientres que la propuesta en solitario del guitarrista especializáu en rock y blues Rafa Kas ye otra de les actuaciones que tan previstes pa estes selmanes enantes de la navidá