Mercáu y música en Santu Adrianu

El mercáu de Santu Adrianu ye dende fai unos años como'l pistoletazu de salida pa la temporada de conciertos de folk. Pero Santu Adrianu nun ye namás qu'una nueche folk más, tamién, y durante 4 díes, hai una gran bayura d'actividaes que tienen como puntu central la nuesa cultura.El xueves 28 de marzu entama'l mercáu coles habitaules muestres d'artesanía, productos naturales, muestres y participación del públicu en deportes tradicionales a cargo de l'asociación Retueyu, y pa los músicos, presencia de luthiers veníos de distintos sitios d'Europa, podremos ver zanfoníes, gaites escoceses, cordiones de botonera,...etc.La nueche d'esi xueves tendremos la primer cita musical col "Alcuentru de virtuosos". Esti alcuentru va permitinos ver a músicos de la calidá de Lisardo Prieto, vigulinista de Felpeyu, Celia González cola zanfonía, Alberto Varillas a la gaita, Manuel Cordero percusión y Marga Lorences cordión. Nesta jam-sesión los músicos xubiranse al escenariu a interpretar, caún col so instrumentu, delles pieces, l'alcuentru entamará sobre les 20 hores.El vienres habrá les actividades habituales del mercáu, y pela nueche l'actuación d'un monologuista y de la bandina "El Tombo", bandina que tenemos ocasión de ver nel concursu de bandines de la muestra de folclor "Ciudad de Oviedo".El sábadu llega'l cogollu musical d'estos díes cola nueche folk, el conciertu entamará sobre les 10 de la nueche col grupu Ú?, grupu de recén creación con músicos que vienen d'otros grupos como Xéliba o Lliberdón, depués Tejedor, que tan a puntu de grabar el so nuevu discu y Corquiéu que presentarán el so primer trabayu en solitariu, depués actuarán los Ciquitrinos de los que ya vos falamos fai unes selmanes, y pa finar, como nun podía ser d'otra manera, Dixebra.