Menos carambelos

Cuando entovía nun pasó un añu dende que s'inaugurare la fábrica nueva de Chupa-chups en Villamayor onde trabayen 300 persones, la empresa enfréntase a una crisis pola baxada de la venta que yá ta afectando a la planta piloñeta, onde ta menguando'l ritmu de trabayu. Los planes d'esta empresa multinacional catalana d'orixe asturianu, que contaben con que medrare la producción d'equí en p'alantre queden pel momentu en suspenso, y dizse que ye fácil que tengan que trancar dalguna fábrica n'América. El periódicu Catalán La Vanguardia diz que la baxada de la producción ye del 50%.Chupa Chups lleva dos años viendo como-y mengua'l beneficiu, y los amos de la empresa, la familia Bernat, yá van cambiando delles veces al director, un cargu qu'ocupa dende'l mes de mayu un ex-directivu de la Danone. D'entós p'acá la empresa, que quier salir a bolsa, anda tentando alternatives, una d'elles metese pel negociu del tabacu