Mediu Rural abre la convocatoria d’ayudes a l’adquisición de maquinaria y equipos forestales

El BOPA espublizó’l miércoles la convocatoria d’ayudes a l’adquisición de maquinaria y equipos forestales. Los interesaos en pidir estes subvenciones tienen un mes dende esti xueves pa presentar les sos solicitúes.

Pueden ser beneficiarios d’estas ayudes les personas físicas, cooperatives forestales y empreses del sector, con sede n’Asturies, qu’executaren nos tres años últimos trabayos d’ordenación forestal, repoblación forestal y tratamiento silvícoles. El creitu total destináu a estes subvenciones ye de 340.000 euros.
 
La novedá de la convocatoria d’esti añu ye que tamién van dase ayudes a l’adquisición de los equipos de proteición individual pa riesgos llaborales (EPIs) precisos pa la execución de les actividaes de repoblación y tratamientos silvícoles, col oxetivu d’apoyar la meyora de les condiciones de seguridá de los trabayadores del sector. Mentes, los gastos fechos en vehículos serán subvencionables cuando les sos carauterístiques respuendan a necesidaes específiques de los trabayos forestales.
 
Dende la Conseyería de Mediu Rural y Pesca señalen que les subvenciones nun pueden superar un tope máximu del 35 por cientu de la inversión y que l’ayuda direuta por solicitante nun va ser superior a 24.000 euros. El plazu pa la presentación de solicitúes ye d’un mes dende güei.