Más de 55.000 persones firmen contra la 'novillada' de Cangues

El vienres ta convocada otra concentración contra esti eventu taurín en Mestas de Con.

La oposición a la 'novillada' del domingu en Cangues sigue aumentando. La campaña na plataforma dixital Change.org, adaptada agora al nome 'Non a la tortura animal en Cangues d'Onís. Dicimos non a la 'novillada' d'esti 22 d'agostu', pasó nuna selmana de los 3.000 sofitos a los 55.636 esistentes nel momentu de la espublización d'esta información.

Mañana miembros de l'asociación protectora d'animales Huellas del Suella van entregales nel Rexistru municipal al meudía pa reclamar la paralización del eventu. Amás, el vienres ta convocada una concentración nueva baxo'l lema 'La cultura no es tortura', tamién al meudía, na plaza de la Casa Conceyu.

Na semeya, un momentu de la primer concentración contra la 'novillada'.