Más de 190 persones piden nun manifiestu l'absolución pa los sindicalistes Cándido y Morala

Más de 190 persones, profesionales de distintes estayes de la vida social, económica y cultural d'Asturies, firmaron un manifiestu de sofitu a sindicalistes Cándido González Carnero y Juan M. Martínez Morala, condenaos a 3 años de prisión pol xuez Lino Rubio, que los declaró culpables d'estrozos nel mobiliariu urbanu con motivu de les movilizaciones del sector naval nel añu 2005. El manifiestu fai un llamáu a l'Audiencia Provincial "a tener en cuenta les pruebes desestimaes de primeres y que empobinen a la llibre absolución de los sindicalistes" y denuncia que'l xuiciu desarrollóse ente condiciones irregulares ente les que rescamplaría'l que nun se permitieren pruebes en defensa de los acusaos "como'l vídeu grabáu pola mesma policía" o'l que "s'aceptare un testigu corruptu" en referecia al axente de policía al qu'acusen d'infiltrase na CSI, el sindicatu de Cñándido y Morala, fechu más grave d'una riestra d'iiregularidaes como'l que los testigos de l'acusación "se pudieren comunicár ente ellos na vista".

Por ello, los firmantes del manifiestu aseguren que "la condena obedez a una decisión política de criminalizar tou elementu críticu, nesti casu por oponese al pelotazu urbanísticu que quieren facer na costa de Xixón". El manifiestu asegura que'l de los dos sindicalistes ye un casu más d'una "represión" que tamién toca a xente como "Txomín Goñi, representante d'Amigos y Vecinos de Llanes, por oponese a la especulación en Llanes, el de la "Pita pola oficialidá", el de Beatriz Quirós por oponese a la privatización de la Llaboral, el del despidu del sindicalista de Caxastur Marco Antuña" o'l "procesamientu de 4 sindicalistes por un encierru" ente otros casos xunto col de la "represión xabaz escontra les y los trabayadores de Sanidá nel Hospital Xeneral d'Uviéu, el del pieslle de Teleasturies, el de los 12 sancionaos de Caliao" casos toos ellos que lleven a falar d'una "espiral de represión que ye imposible parar".

El manifiestu pide finalmente "porque ye de xusticia y non clemencia" que l'Audencia Provincial dictamine'l sobreseimientu y la llibre absolución de los dos sindicalistes, que l'Ayuntamientu de Xixón, renuncie a cobrar los daños denunciaos y que'l so Plenu y el Gobiernu d'Asturies se pronuncien pola llibre absolución de Cándido y Morala, pidiendo la dimisión del delegáu de Gobiernu, Antonio Trevín Lombán. L'escritu
remarta faciendo un llamáu a la participación na manfestación que va salir güei xueves a les 19:30 hores e la Plaza l'Umedal de Xixón baxo'l lema "contra la criminalización de la llucha obrera y social".
Ver equi'l documentu del manifiestu y el llistáu de firmantes