Más de 1.800 asturianos yá se beneficiaron de la Llei de Dependencia

La conseyera de Bienestar Social, Pilar Rodríguez, señaló ayeri que tres de les más de 13.000 evaluaciones feches n'Asturies d'alcuerdu a la Llei de Dependencia, más de 400 beneficiarios recibieron ya, o tán en tramitación pa facelo, l'ayuda económica solicitada, y otros más de 1.800 nel casu de prestación de servicios. Asina lo manifestó enantes de la inauguración nel recintu ferial de Xixón de los actos organizaos con motivu del Día Internacional de les Persones con Discapacidá.

De la mesma manera, espresó'l so deséu de qu'al cabu del 2008 recibieren ayudes, ya seyan económiques, como de servicios, toos aquellos que tengan una discapacidá dientro de los graos que marca la llei. Al respecto, el Principáu estima que van ser unes 7.500 persones les que van poder acoyese a les ayudes.
Pa Rodríguez, la dificultá tuvo na puesta en marcha de la normativa que supunxo gran esfuerciu llexislativu de promulgar lleis y normes pa garantizar la seguridá xurídica de les prestaciones. Una vez fechu esto, la conseyera indicó que ta actuando con celeridá y garantizó qu'a lo llargo del 2008 va regularizase la situación, lo que va suponer qu'al cabu del próximu añu la Llei de Dependencia va tar aplicándose con total normalidá.