Más datos sobre la TV asturiana

Mientres sigue abierta la encuesta de Conceyu Abiertu sobre la TV asturiana, apurrimos-yos a los nuestros llectores l'enllace a un interesante documentu del añu 1999 sobre'l papel de la TV asturiana escritu por Emilio Fernández Peña, caderalgu de la Universidá Autónoma de Barcelona dientro d'unes xornaes sobre comunicación y desarrollu de la Junta de Extremadura. El títulu de l'artículu,"La televisión asturiana, la tesela necesaria en el mosaico de la construcción de la realidad simbólica regional" anque llargu, parez que llama a lleelo. Amás d'esplicar el papel como ferramienta identitaria de la TV asturiana, Fernández Peña fai un análisis bastante interesante del mercáu de los medios de comunicación del país y dedíca-y un separtáu al papel de la llingua asturiana na futura RTVAS