Más asturianos nos premios de la música

Mala Reputación col so discu "A x ellos" ye finalista na sección de "Meyor álbum de rock alternativu".

La presencia asturiana nos Premios de la Música nun queda arrequexada a la categoría de Meyor cantar n'asturianu. A la presencia yá comentada de Ramón Prada, hai que sumar tamién la de "Mala Reputación", banda que nació allá pel añu 1995 n'Asturies, y dende aquel añu ficieron cuatro discos con distintes formaciones no que cinca a los músicos. L'últimu trabayu col qu'acaben d'algamar esta nominación ye "A x ellos", editáu por Kangurín Records, sellu creáu polos propios miembros del grupu autoproduciéndose d'esta manera la so música.