Martínez Argüelles considera vidable un Bancu Base con Caxastur y les caxes de Cantabria y Extremadura

El vicepresidente primeru de Caxastur, Santiago Martínez Argüelles, señáló que ve vidable un Bancu Base formáu pola caxa asturiana, Caja Cantabria y Caja de Extremadura. Les tres entidaes dexaron fuera de la fusión a Caja Mediterráneo (CAM).
 
Martínez Argüelles, conceyal de Facienda del Conceyu de Xixón y candidatu a l’alcaldía pol PSOE, defendió la decisión adoptada pola asamblea y aseguró que “de primeres” sí podría funcionar una solución como la de creación d’un Bancu Base coles tres entidaees que queden tres la operación fallida con CAM: l’asturiana, la cántabra y la estremeña. De toes formes, puntualizó que la decisión depende de los órganos d’alministración y de gobiernu de las tres caxes d’aforru tres estudiar bien la operación.

El Gobiernu d’Asturies y el PP aplaudieron la decisión de l’asamblea xeneral de Caxastur del miércoles de non dixebrar el so negociu financieru a favor del Bancu Base y continuaron mostrando el so sofitu a la privatización de les caxes d’aforros. Otra manera, la entidá asturiana podría demandar a CAM por ocultación de datos tres conocer la noticia de que la caxa alicantina va solicitar indemnizaciones a les tres otres tres caxes por rotura de contratu.