Marín Estrada presenta'l poemariu billingüe 'La tierra y el cielu'

|

L'actu va celebrase na llibrería xixonesa La Buena Letra y va tar presentáu pol profesor y escritor Luis Arias Argüelles-Meres.

'La tierra y el cielu / La tierra y el cielo' ye un poemariu escritu n'asturianu por Pablo Antón Marín Estrada y tornáu al castellanu pol propiu autor que "afonda nuna insobornable propuesta lliteraria, ayena a tou engolamientu, atenta namás a les voces de la memoria y al llatíu del corazón humanu", apunten dende la editorial Impronta. La presentación va celebrase esta tarde, con comienzu previstu pa les 20 hores.

L'autor nacíu en Sama nel añu 1966 ye poeta, narrador, periodista, traductor y lletrista musical. Mientres la so trayeutoria escribió dalgunos llibros fundamentales de la lliteratura asturiana, como 'Otra edá' (2000), 'Animal estrañu' (2010), 'Despidida' (2011), 'Un palaciu enllenu ortigues' (2014) o 'Fábules humanes' (2015).

Contador Estadistiques