Marea Negra

Fin de selmana negru n'Asturies. El galipote llega yá a cásique tola costa asturiana, y la marea negra supera n'Asturies les espectatives más pesimistes. Si elprimer día les manches que llegaben yeren pequeñes y espardíes, yá apaecen manches de dellos metros y d'un gordo bultable. Nos conceyos de Llanes, con toles playes afectaes, comarca del Cabu Peñes o Cuideiru, por poner dellos casos, la situación ye enforma grave. La desgracia xúntase cola cigua, y la barrera que taba puesta dende anteayeri a la entrada de la Ría de Villaviciosa ta acabante de francer. Irónicamente,la Ría d'Avilés, de siempre la más azotada pola contaminación, ye de les poques qu'aguanten llibres de la marea negra. Pa más aquello, l'aire sopla de la már pa contra la costa, y la cosa nun tien traza de dir a cambiar pa meyor d'equí en dos o tres díes a lo menos. Na semeya, l'estáu en que taba ayeri la playa de Carranques en Carreño