Manuel García Menéndez y Damián Barreiro cítense colos sos llectores

Los dos autores participen nos talleres de llectura n'asturianu de Nava y Corvera.

Esta tarde Manuel García Menéndez y Damián Barreiro van celebrar alcuentros con llectores centraos en dos de les sos obres, dambes gallardonaes nos Premios Lliterarios del 2018. Trátense de 'El visitante impropiu', XXXIX Premiu Xosefa Xovellanos, nel casu del novelista, y de 'Asturploitation', XXIV Premiu Máximo Fuertes Acevedo, nel del ensayista.

La cita con García Menéndez va ser en Nava, nos Talleres de Llectura n'Asturianu de la 'Comarca de la Sidra' qu'entama'l SNL de la zona, a les 19 hores na sala Marta Portal de la Casa Cultura. Una hora enantes, Barreiro va aldericar colos presentes sobre'l so trabayu nel Taller de Llectura n’Asturianu qu'entama la Casa de la Llingua nel Centru Sociocultural de Les Vegues.