Macroxuiciu pola esclavitú n'América

Nuna decisión ensin precedente, l'estáu americanu de California espublizó ayeri na rede una llista colos nomes de más de 600 esclavos, los sos propietarios y les compañíes de seguros que cubrieron pólices pelos primeros va más d'un cientu d'ellos. Les asociaciones de defensa de los derechos humanos y les minoríes ven nesta decisión la posibilidá de que los descendientes de los esclavos-yos reclamen a les cases de seguros, una posibilidá de la que les compañíes implicaes nun quieren sentir falar porque la esclavitú d'aquella yera llegal y los esclavos podíen asegurase como cualquier otra propiedá. Neto que nel casu de la comunidá xudía contra les multinacionales alemanes pol trabayu esclavu na época nazi, tres grandes empreses enfrenten agora un macroxuiciu por esta tema nel que se-yos pide más d'un trillón de dólares. Los periódicos americanos fierven estos díes con esta tema, de la que tienes más información nestos artículos de la BBC y el diariu USA Today.