Más de 3.000 mozos y moces van aportar a Asturies nos díes previos a la visita del Papa a Madrid

La visita del Papa, Benedictu XVI, a Madrid va trayer a Asturies los díes previos a 3.000 mozos y moces procedentes de dellos países. L’Arzobispáu d’Uviéu programó delles actividaes pa estos pelegrinos.
 
Namái la Congregación de los Hermanos de San Xuan, rexentes del monasteriu de San Salvador de Valdediós, desplacen 2.200 mozos y moces que van aportar a Cuadonga’l xueves pa depués distribuyise per Uviéu, Siero, Villaviciosa y les cuenques. Amás, 500 pelegrinos de les diócesis de Zagreb y de Creteil (Francia) van agospiase en Xixón y, otros 400 de la diócesis italiana de Brescia, n’Avilés.
 
La intención de la organización de la Xornada Mundial de la Mocedá (XMM) n’Asturies ye dar a conocer a estes persones el país y le sos costumes, el so patrimoniu y los raigaños cristianos con un programa d’actividaes na que van participar 70 instituciones eclesiales y 300 voluntarios, según señalaron nun comunicáu dende l’Arzobispáu d’Uviéu. Amás, 300 families van collaborar acoyendo a los pelegrinos nes sos viviendes. Estos moces y moces católicos van viaxar hasta Castilla’l llunes, yá que la XMM 2011 va principiar el martes 16 d’agostu en Madrid.