L'Uviéu anuncia la salida de Joaquín Del Olmo

La entidá diz que'l mexicanu, diana de les crítiques d'una parte de l'afición, abandona'l club azul por "motivos personales".

Home fuerte del Grupo Carso n'Uviéu, Joaquín del Olmo llevaba cinco años al frente de toles estayes de la sociedá, en concreto dende xineru del 2014. Agora, en plena temporada y díes depués de la visita de José Aboumrad, ún de los responsables del grupu mexicanu, faise públicu esti cambiu na cúpula de la entidá.

Con una bona xestión no económico, les decisiones nes parceles deportiva y social provocaron un desencantu ente una bona parte de l'afición, llegando a pidir la so salida con cánticos nel campu esta temporada. Mañana ésta va ser efeutiva tres la espublización d'un comunicáu por parte del club: "La so marcha débese a motivos personales, que dende la entidá queremos respetar", afirma.

Según delles informaciones espublizaes esta mañana, el so sustitutu al frente de la parcela económica será Federico González, home tamién de confianza d'Arturo Elías Ayub, responsable d'inversión del Grupo Carso.

Semeya propiedá del Real Oviedo.