Luis Miguel Romero da los diplomes del cursu d'asturianu d'Alcobendas

El Director de l'Axencia Asturiana d'Emigración, Luis Miguel Fernández Romero, participa nel Plenariu del Conseyu Xeneral de la Emigración, que se celebra en Madrid. Cúmplese d'esta manera col alcuerdu que s'alcanzó ente'l Principáu d'Asturies y la Dirección Xeneral d'Emigración y del que dábemos anuncia n'Asturies.com la otra selmana pol qu'Asturies pasa a a ser miembru de plenu derechu d'esti organismu, el más importante a nivel consultivu de tol estáu en materia d'emigración y nel qu'Asturies nun yera hasta agora más que miembru observador.

N'acabando'l plenu, Romero va desplazase hasta Alcobendas, onde van entregase los diplomes del I Cursu de LLingua y Cultura Asturiana qu'organiza l'Axencia Asturiana d'Emigración nel Centru Asturianu, en collaboración cola Academia de la LLingua. Esti ye'l primer cursu que se fai dientro del programa d'alfabetización n'asturianu pa emigrantes dientro del conveniu ente l'Academia de la Llingua y l'Axencia d'emigración