Los trabayadores de Saint-Gobain manifiéstense n'Avilés contra los 42 despidos

Más de mediu centenar de persones percorrieron la villa como forma de protesta.

'Aquí no sobra nadie' ye'l lema emplegáu polos trabayadores de Saint-Gobain pa defender los puestos de trabayu na factoría d'Avilés. La multinacional francesa, alegando una baxada nes ventes de vehículos, pretende un Espediente de Regulación d'Emplegu (ERE) d'estinción pa 42 trabayadores de la so división 'Sekurit' –tamién pa otros 51 emplegaos d'una planta en Catalunya–, la que fabrica llunes pa coches, amás de plantegar recolocaciones, prexubilaciones o baxes voluntaries remuneraes con un añu de sueldu.

La posición de los emplegaos, en fuelga dende'l día 19, ye defender tolos puestos y demandar un plan de futuru pa la planta. Esta mañana el mediu millar de trabayadores xunto con familiares y ciudadanos entamaron esta marcha dende La Maruca a El Parche pa protestar contra la postura de la empresa.

Na imaxe, un momentu de la protesta d'esta mañana. Semeya propiedá d'UXT Asturies.