Los ‘Superpoderes’ de Monteavaro d’estrenu na llibrería Cervantes

|
Cartel presentación Superpoderes

La presentación retrasóse por aciu del andanciu.

L’escritor Miguel Rodríguez Monteavaro presenta esti vienres na Librería Cervantes d’Uviéu (c/ Doctor Casal, 9) el llibru Superpoderes, editáu pola editorial Trabe yá en 2020. L’actu va ser a les 19:00 hores. La poética militante d'esti autor xoven rescata los poderes de los personaxes corrientes de cada día.

Superpoderes ye’l cuartu llibru de poemes del poeta bualés y preséntase depués de casi añu y mediu de la so publicación poles restricciones sanitaries. Nesti actu, amás del autor, van tar presentes Esther Prieto, corresponsable de la editorial Trabe, Guillermo Sánchez Ungidos, profesor de la Universidá d’Uviéu, que va facer de presentador, y Andrés Rodrigues, intérprete de música tradicional y electrónica reconocíu a nivel estatal.

Rodríguez Monteavaro tien publicaos otros tres llibros de poesía amás del que se presenta: Trenta razóis pra nun medrar (2010), Todos os triste de mayo (2013) y Poemas pr’amantes y paquidermos (2013), toos editaos por Trabe. Y recibió abondos premios lliterarios como’l Premio Xeira de Naracciois Curtias (2009), el Premio de Poesía Padre Galo (2012), el Premiu de Narraciones Curtias de Cangas del Narcea (2014), l’Asturias Joven de Poesía (2019), el Premiu de Narraciones Curtias de Cangas del Narcea (2021), y el Premio Ría del Eo de Poesía (2021).

Contador Estadistiques