Los sindicatos mineros defenden más inversión n’emplegu y menos n’infraestructures

|

SOMA-UXT y la Federación de Minería de Comisiones Obreres defendieron na Mesa de la Minería sobre los Fondos Mineros qu’éstos s’utilizaran pa polítiques d’emplegu. Los sindicatos consideren suficiente’l gastu fechu n’infraestructures.
 
El responsable del Área de Reactivación de Comisiones, Juan Carlos Ramos, afirmó momentos enantes d’entrar na sala de xuntes de la Conseyería de Industria y Emplegu, que "la prioridá na orientación de los fondos ha de ser la creación de emplegu. Yá ta bien de carreteres, pues el 60 por cientu de los fondos mineros del plan 98-2005 y del  2006-2012 invirtiéronse en carreteres". José Antonio Alperi (SOMA-UXT) tamién considera que “el tema d’infraestructures ta bastante consolidáu” y señaló que lo necesario agora ye “centranos na parte de la reactivación” pa “poder trabayar nel asentamientu de población y na creación de emplegu y I+D+i na zona del suroccidente".
 
Mentes, el conseyeru Graciano Torres adelantó que les propuestes pa los Fondos Mineros diríxense a la creación de "suelo industrial" y qu’ente elles "nun hai nenguna carretera".

Contador Estadistiques