Los sindicatos d'enseñanza quieren que valga'l primer curriculum

Los tres sindicatos mayoritarios na enseñanza asturiana, SUATEA, CCOO y FETE-UXT mandáron-yos ayeri una carta a los enseñantes de llingua asturiana convocándolos a un conceyu que va facese esti vienres a les seyes de la tarde na sé de la UXT d'Uviéu. Los sindicatos dicen que, anque l'añu pasáu apretose muncho na reividicación d'un posicionamientu dignu de la llingua nel sistema educativu, el procesu acabante pasar d'alxudicaciones de personal interín, aniciu cursu, Llei de Cálida y elecciones sindicales, ficieron que la movilización pol problema llingüísticu quedare amatagada, llegando, al paecer de los sindicatos, a un intre pergrave nesti momentu . Ye por ello que l'obxetivu d'esta xunta ye determinar les midíes a siguir na campaña reivindicativa, ente les que se propón que cada centru adopte el primer curriculum que redactó l'alministración. Pa qu'esto pueda facese, les organizaciones pagaron una edición de los currículos de Llingua Asturiana orixinales, que, talamente como fueren redataos pola Comisión encargada, resultaron aprebaos pol Conseyu Escolar d'Asturies. La idega consiste n'unviar un exemplar a caún de los centros educativos públicos d'Asturies col enfotu de que seyan los que remane tol profesoráu como midida de resistencia civil, pacífica y exemplarizante pal Gobiernu asturianu.