Los Reis vienen con música

Los conciertos de grupos asturianos que tan programaos pa mañana día seyes y pal sábadu siete son una bona forma d'entamar l'añu. La conceyos d'Avilés y Corvera van acoyer los conciertos per un llau del grupu de folk DRD y l'actuación conxunta de Desakato, La Tarrancha y Skama la Rede per otru.

Asina, el vienres día 6 DRD va tocar nel "Pub Don Floro" d'Avilés a les 20:00 hores. La entrada va ser de baldre pa ver al grupu qu'en 2005 sacó ún de los meyores discos del añu "Namái", y que ta llevándolos per munchos escenarios o a collaborar en discos d'otros artistes como l'últimu trabayu de Mariluz Cristobal Caunedo. Nún sen más rock, el sábadu siete nel Centru Sociocultural El Llar en Les Vegues -Corvera-, tamién de baldre, hai un conciertu entamáu pol Conceyu de Corvera que va xuntar a les bandes asturianes Desakato, La Tarrancha y Skama la Rede, grupu esti últimu que tamién espublizó discu nel acabante finar 2005.