Los postreros de San Xuan de Nieva

El director xeneral de Recursos Naturales y
Protección Ambiental d'Asturies, Víctor Vázquez, asiste güei n'Aveiro (Portugal), a la
suelta de los postreros páxaros víctimes del galipote del Prestige que quedaben nel Centru de Recuperación de San Xuan de Nieva (Avilés). Cola suelta d'estos animales rematen más de tres meses de trabayu intensivo nun centru en que los voluntarios ficieron xornaes d'hasta doce hores pa intentar descontaminar a los más de 1.000 animales que pasaron peles instalaciones provisionales de San Xuan de Nieva, qu'agora van desmontase. D'equí en p'alantre, tolos páxaros que pudieren dir apaeciendo tendrán de llevase al centru estable del Cepesma en L.luarca