Los positivos caltiénense en cifres mínimes

|

El vienres hebo 5, el sábadu 2 y el domingu 1.

Los datos de la pandemia de COVID-19 siguen dexando cifres pa la esperanza. Los positivos deteutaos por PCR son mínimos, anque entovía nun s'eviten les muertes.

El xueves rexistráronse 15 casos nuevos, a los que siguieron 5, 2 y 1 nos díes próximos. Nel casu de los tests por anticuerpos les cantidaes de positivos son mayores (10, 6, 18 y 106, de manera respeutiva), anque correspuenden en parte a persones que yá pasaron la enfermedá cuasada pol coronavirus SARS-CoV-2.

En total Asturies suma 2.991 persones afeutaes por COVID-19, de les que 284 perdieron la vida y 917 tienen l'alta epidemiolóxica. El xueves rexistróse la primer xornada ensin finaos dende'l comienzu de la serie, a la que siguieron 6, 1 y 4 muertes.

Según les cifres últimes, actualizaes ayeri a les 20 hores, na UCI hai 35 persones y en planta, 161.

Contador Estadistiques