Los Picos d'Europa entren a reserva de la biosphera

El programa MAB de la UNESCO dio ayeri de pasu la declaración de Reserva de la Biosfera pal Parque Nacional de los Picos d'Europa y aceptó tamién l'enanchamientu de lo que ye anguaño la Reserva de la Biosfera de Muniellos, que va coinciir n'estensión colo que ye'l parque de les Fontes del Narcea.

La entrada de los Picos d'Europa nel programa MAB tuvo bien de polémica cuando n'avientu del 2002 el titular de la desapaecía Conseyería de Mediu Ambiente, Herminio Sastre, dio anuncia en falso de tala declaración a cuenta d'una información que-y filtraren dende la Unesco y que resultó que yera falsa. Esta vegada sí que ye verdá, y amás nel documentu en que se dan de pasu la declaración fálase tamién de crear pa más en p'alantre una Reserva de la Biosfera Gran Cantábrica. Xunta les declaraciones pa Los Picos y Muniellos, tamién se eclararon Reserves de la Biosfera'l valle de L.laciana, territoriu perteneciente a Llión y qu'atiesta con Asturies, la reserva de Monfragüe en Cáceres y la reserva de los valles de Jubera, Leza, Cidacos y Alhama, na comunidá rioxana.

Con estes nueves altes, la Rede Mundial de Reserves de la Biosfera pasa yá de los 400 espacios reconocíos y repartíos ente más de 100 países.