Los partíos favoratibles a la oficialidá sumaríen 30 escaños según un panel d'Electomanía

La izquierda algamaría 28 diputaos y nun necesitaría a Foro pa los trés quintos.

Los cuatro partíos favoratibles a la oficialida, FSA, Podemos, IX y Foro, sumaríen 30 escaños nes eleiciones a la Xunta Xeneral, según l'ElectoPanel asoleyáu esta mañana por Electomanía, 3 más que los 27 necesarios pa reformar l'Estatutu d'Autonomía. Adrián Barbón algamaría la mayoría absoluta con 23 asientos, polos 20 actuales.

Podemos perdería ún, pa quedar con 3, mentes qu'IX siguiría con 2. Mentes, la formación d'Adrián Pumares tamién caltendría los 2 actuales.

El PP quedaría con 11 escaños, 1 más qu'anguaño, y VOX doblaría la so presencia al tener 4. Por contra, Ciudadanos nun tendría representación parllamentaria al perder los sos 5 diputaos.