Los monólogos n'asturianu lleguen a la TV

Dempués del ésitu del I Certame de Monólogu Modernu n'Asturianu que se celebró'l pasáu 3 de marzu na Sala Albéniz de Xixón, l'espectáculu va pasase güei vienres 25 de marzu a les diez de la nueche pela emisión de TV local Xixón (TLG). Con más d'una hora y media de duración y montáu a partir d'una grabación con 6 cámares dende tolos angulos, micros d'ambiente y tolos preseos precisos pa facer un montaxe de calidá profesional. El certame supón la primer produción pa televisión de l'asociación H.A Xareos, organizadora del certame cómicu. La gala de monólogos qu'enlleno l'Albéniz ta presentada por Inaciu Galán y González y los monólogos de Toño Caamaño, Carlos Alba 'Cellero', Lluís Antón González y Benxa Pérez amenicen les cuasi dos hores de programa.

La organización del certame diz tar mui contenta del resultáu d'esti primer "club de la comedia" n'asturianu, que rexistróun bon nivel d'asistencia de públicu, ello con ser un día llaborable, y espera que la iniciativa tenga continuidá nel tiempu.