Los meyores montañeros del mundu, en Xixón

Esta tarde entama en Xixón la 27 selmana de la Montaña, eventu señeru pal alpinismu astur que pue disfrutar a lo llargo d'una selmana de les charres de los alpinistes más importantes del mundu, que faen proyecciones con diapositives y vídeos de los montes y picos más llonxanos y d'aventures na llende de lo imposible. Asina, la selmana entama güei cola presencia del equipu canariu que xubió esti añu al Gasherbrum, ún de los ochomiles más difíciles, mientres que mañana ye'l turnu del eslovenu Marko Prezeli, minimalista de la escalada que, col mínimu de medios y d'ayuda técnica, presume de tener llegao a picos como'l Cho Oyu o el Gyachung Kyang, al que fizo la primer ascensión de la historia. Agustín Faus Costa, que va presentar una historia del alpinismu, el británicu Stephen Venables, que xubió al Everest ensin osíxenu y l'homenaxe al pioneru del montañerismu asturianu José Ramón Lueje completen el programa.