Los llectores d'Asturies.com ven necesario más medios pa les dotaciones de bomberos

Un 84 por cientu de los usuarios d'Asturies.com considera que son necesarios más medios téunicos y humanos pa les dotaciones de bomberos asturianos. El mes pasáu un trabayador de 54 años finó mientres los trabayos d'estinción d'un incendiu n'Uviéu.

Esti incidente llevó a plantegar a los nuesos llectores, en 'Conceyu Abiertu', la cuestión '¿Cuenten les dotaciones de bomberos n'Asturies con medios humanos y téunicos suficientes p'atender emerxencies?'. Un 84 por cientu votó pola opción 'Non, los acontencimientos últimos demuéstrenlo', mentes que'l 16 por cientu consideró que 'Sí, tenemos un bon equipu profesional y medios suficientes'.

Dende esti momentu yá ye posible participar nun 'Conceyu Abiertu' nuevu. Nesta ocasión queremos conocer si los nuesos usuarios cuenten con caltener el votu na convocatoria nueva d'eleiciones, con fecha marcada pal 26 de xunu, o si mediten apoyar otra opción política.