Los llectores d'Asturies.com nun comparten la negativa a Busto y Manchón a competir pol Seya

|

El 77 por cientu de los usuarios d'Asturies.com que participaron en 'Conceyu Abiertu' refuga le decisión del comité organizador del Descensu Internacional del Seya de nun dexar competir a Manuel Busto y Beatriz Manchón na competición en categoría senior. Obligaba-yos a inscribise en categoría mesta.

Los dos escelentes piragüistes, con un palmarés enllenos de trunfos a nivel internacional, vían asina reducíes a la nada la so intención de competir polos primeros puestos na prueba que ganó'l sábadu per sétimu añu consecutivu'l K-2 del asturianu Walter Bouzán y el gallegu Álvaro Fernández Fiuza al nun tener la opción de tar en puestos de salida. En 'Conceyu Abiertu' entrugamos a los nuesos llectores ' ¿Considera que debería permitise competir al K-2 de Manuel Busto y Beatriz Manchón en categoría senior del Descensu Internacional del Seya?', a lo que'l 77 por cientu respondió ' Sí, porque ye un casu claru de discriminación de xéneru', por un 23 por cientu que considera que 'les regles tán pa cumplise y la piragua debería inscribise en categoría mesta'.

Dende esti momentu yá ye posible votar nun 'Conceyu Abiertu' nuevu. Nesta ocasión queremos saber la opinión de los usuarios sobre la decisión del ministru de Facienda y Alministraciones Públiques en funciones, Cristóbal Montoro, de demandar a los conceyos vía postal el pieslle d'empreses públiques deficitaries, ente elles les xixoneses EMTUSA o Divertia, al incumplir la Llei de Racionalización y Sostenibilidá de l'Alministración Llocal.

Contador Estadistiques