Los llectores d’Asturies.com consideren el ‘Paraísu Natural’ namái una etiqueta publicitaria

|

Un 80 por cientu de los usuarios d’Asturies.com que participaron en 'Conceyu Abiertu' cree que los diferente episodios vivíos nel país recién, como quemes, ataques a la fauna o contaminación, dexen al país lloñe de ser el ‘Paraísu Natural’ col que se promociona dende hai décades. Considéralo namái una etiqueta p’atrayer turistes.

La entruga concreta plantegada nesta ocasión foi ‘Quemes, ataques a la fauna, contaminación…, ¿de verdá somos un ‘Paraísu Natural'?’, a lo qu’un 80 por cientu respondió ‘Non, ye sólo una etiqueta p’atrayer al turista’. Mentes, un 20 por cientu votó pola opción ‘Sí, son fechos aisllaos que coincidieron casualmente nel tiempu’.

Dende esti mesmu momentu yá ye posible participar nun ‘Conceyu Abiertu’ nuevu. Nesta ocasión queremos conocer la opinión de los nuesos llectores sobre la repercusión que tuvo la Selmana y el Día de les Lletres Asturianes.

Contador Estadistiques