Los llabores de Conceyu Bable n’Asturias Semanal nun llibru

La editorial Trabe presentó esta selmana'l llibru "Conceyu Bable n´Asturias Semanal (1974-1977)" un llibru d'interés pa quien quiera conocer más sobre la historia y evolución del asturianismu contemporáneu nos años 70. La obra, que reproduz tolos artículos espublizaos na sección "Conceyu Bable" d'Asturias Semanal, la revista clave de la transición asturiana, vien con dos prólogos, el primeru obra del filólogu Xulio Viejo, esamina'l contestu llingüísticu nel qu'apaeció la secciónde CB na revista, mientres que l'otru, obra del sociólogu Pablo San Martín, atiende al contestu sociopolíticu en que se movía Conceyu Bable.

Precisamente Pablo San Martín va ser noticia d'equí a la vuelta de poco, en cuantes que'l sociólogu yá dio a imprenta lo que va ser la edición pal gran públicu de la so tesis doctoral sobre'l nacionalismu políticu asturianu, ún de los trabayos más esperaos por muncha xente.