Los Humanitarios celebren esta selmana les XV Xornaes Culturales Joaquín Rodríguez Muñiz

Inaciu Galán recibe'l miércoles el premiu del XVIII Concursu de Monólogos Pepe Campo.

El llar social de la Sociedá Humanitarios de Samartín acueye dende güei hasta'l miércoles les sos XV Xornaes Culturales, que lleven el nome del historiador y recopilador de la historia d'Ayer, Joaquín Rodríguez Muñiz, na so memoria. Amás, el vienres van entregase nel Cine Carmen de Morea, a les 20 hores, los XIV Gallardones 'Colmena de Oro' a la Solidaridá y 'Espiga de Escanda de Oro' a la Tradición qu'esta edición reciben José Andrés pol llabor de World Central Kitchen y el Club de Les Guisanderes, de manera respeutiva, mentes que la Ciudá Industrial Valnalón va recoyer la Medaya d'Honor.

Les xornaes van abrise a les 19 hores cola intevención de la presidenta Esperanza del Fueyo y la charra 'Hórreos, molinos, batanes y lavaderos' a cargo d'Ánxel Álvarez Llano. Mañana va presentase a la mesma hora'l llibru 'El poder del recuerdo' de Dorita García Blanco y el miércoles va recordase a Pepe Campo, con llectura de los sos poemes, y va entregase'l premiu del concursu de monólogos que lleva'l son nome.

El ganador d'esti añu ye Galán por 'Nel tiempu l'andanciu', que va interpretar nel actu. Ye la séptima vegada que'l periodista y escritor xixonés lleva esti gallardón.

Esposición fotográfica

Con motivu de les Xornaes Culturales tamién s'entama una esposición fotográfica que se pue visitar en Campera hasta'l día 30 de llunes a xueves de 17 a 20 hores. Lleva'l nome de 'Recordando nuestros antepasados'.

Na semeya, una parte de la esposición que s'inaugura esta tarde y que se completa con utensilios del ferrocarril.