Los guardes rescaten una cría de zapiquera

Miembros de la Guardería Rural de la Conseyería de Mediu Ambiente recuperaron esti fin de selmana una cría de zapiquera que se perdió nun de los sos primeros vuelos

La zapiquera ye una de les cuatro clases d'utres migratories de la Península Ibérica. Esti páxaru, que pasa la invernada nel África Subsahariana vien a Europa cola primavera, ta enxertu nel catálogu Rexonal d'Especies como ave de "Interés Especial" contando con un plan específicu d'atención y siguimientu de les 50 pareyes que tan censaes n'Asturies

La cría en cuestión apaeció va unos díes na carretera que va del Infiestu a Campucasu, onde llegó, lo más fácil, por culpa de que lu sorprendió un bastiazu nuna de les sos primeres escursiones fuera del ñeru. Dempués de llevalu a les instalaciones del Parque de Redes, onde se recuperó, los guardes ficieron un reconocimientu de tolos ñeros de zapiquera de la rodiada, alcontrando ún n'Ovana (Piloña) que concueyaba col que podía ser el de la cría, que soltaron nel llugar. Según lu acolumbró, ún de los padres del páxaru foi al alcuentru de la cría, que volvió pal ñeru con elli, rematando asina con final feliz la operación de salvamentu