Los gobiernos d'Irlanda y el Reinu Uníu ponen perres pa la paz nel Ulster

El Gobiernu británicu confirmó ayeri que va apurrir 53.000 millones d'euros amestaos al gastu públicu n'Irlanda del Norte a lo llargo de los cuatro próximos años en casu de que católicos y protestantes se pongan d'alcuerdu pa gobernar xuntos y que se recupere l'autonomía del Ulster, dalgo que tien que facese público esti llunes.

Les formaciones polítiques del Ulster acoyeron l'anuncia con un puntu de reserva en cuantes que la cantidá final qu'ufierta'l gobiernu británicu namás xube en 1.650 millones d'euros la que yá ufiertaren en payares del 2.006. D'esta xuba de 1.650 millones, 590 va apurrilos Dublín pa financiar la meyora de les carreteres ente l'Ulster y la República d'Irlanda.

La inversión anunciada supón xubir el gastu públicu nel Ulster de los actuales 13.400 euros anuales por habitante a 21.400, y bien d'ello va empobinase a programes de recuperación económica y creación d'empleu anque ello nun supón que se cumplan toles peticiones de los partíos del Ulster, que reclamaben tamién la mengua del impuestu de sociedaes.