Los Gatos en Venezuela

El grupu "Los Gatos del Fornu" van actuar del otru llau del charcu pal mes que vien.Esti grupu formáu por músicos na so mayoría d'Uviéu, tien previsto un conciertu nel centru asturianu de Caracas el próximu 19 de payares. Esti conciertu entamó a cocese depués de que'l grupu actuara na ceremonia de pieslle del "II Congreso Mundial de Asturianía", tres del conciertu los direutivos del centru asturianu falaron colos miembros del grupu sobre la posibilidá d'un conciertu en Caracas. El grupu va actuar dientro d'un taller de música tradicional que durará toa una selmana, que cuenta col sofitu del "Consejo de Comunidades Asturianas", y nel que van participar los socios del Centru Asturianu.El grupu tien un direutu que por momentos recuerda al de les bandines tradicionales, que tan de moda tan últimamente, pero la presencia de cuerdes, baxu pedal y muncha variedá nes percusiones da al grupu'l soníu que podemos escuchar nel discu de "L'Aguañaz", "Nueva Xeneración Folk". Esti añu pue ser cuando los "gatos" editen el so primer cd, anque inda nun tenemos noticies d'ello, vos informaremos en cuantes sepamos daqué sobre esti tema.