Los francófonos refuguen la propuesta independentista en Bélxica

Los trés principales partíos francófonos de Bélxica refugaron la propuesta de coalición presentada'l domingu polos independentistes flamencos de Nueva Alianza Flamenca.

El líder de la N-VA, Bart De Wever, presentó'l documentu de bases sobre'l futuru del país como un compromisu qu'incluyía de forma equilibrada tanto les demandes de cambiu del electoráu flamencu como les preocupaciones de los francófonos.
  
El testu, de 48 páxines, calificóse como "inaceptable" polos trés partíos francófonos incluyíos nes negociaciones pa formar una coalición de siete partíos.
  
Les conversaciones pa formar un Gobiernu de coalición en Bélxica estiéndense dende'l pasáu 13 de xunu, cuando la N-VA s'impunxo nes elecciones antemanaes.
  
La nueva formación de la N-VA llogró una victoria histórica al tornar na fuerza más votada nel país, tres la cayida del Executivu lideráu pol democristianu flamencu Yves Leterme, que tovíla exerce como primer ministru en funciones.
  
El rei Alberto II encargó al líder de la N-VA, De Wever, "una misión de clarificación" pa intentar un acuerdu ente los diez partíos participantes na negociación d'una coalición de gobiernu, pero'l plazu pa estes conversaciones acaba esti llunes.