Los fósiles del Sidron entren al proyectu internacional del "Xenoma Neanderthal"

Los restos de neandertales del yacimientu asturianu del Sidrón (Piloña) entraron oficialmente ayeri nel proyectu del xenoma Neanderthal, un proyectu que quier comparar el mapa xenéticu d'estos antepasaos col actual de la especie humana y col de delles especies de simios.

L'institutu Max Planck d'antropoloxía evolutiva de Lepzig (Alemaña) y la compañía tecnolóxica 454 Life Sciences Corporation de los Estaos Uníos son los promotores d'esti estudiu que quier dar colos rasgos específicos de la evolución humana dende'l momentu en qu'esta s'estrema del neanderthal, y, al empar, definir los rasgos neanderthales como l'adaptación al fríu y otros que nun se conocen polos fósiles, casu del color de los güeyos o del pelo.

El científicu Svante Pääbo Svante Pääbo, consideráu ún de los padres de la paleoxenética y director del proyectu, emponderó los restos del Sidrón por ser unos de los que meyor calidá de conservación del material xenéticu presenten. El científicu suecu participó na presentación del alcuerdu colos responsables de les escavaciones del Sidrón Antonio Rosas, paleobiólogu del Muséu Nacional de Ciencies Naturales, Carles Lalueza-Fox, espertu en paleoxenética de la Universidá de Barcelona, y Javier Fortea, arquólogu de la Universidá d'Uviéu.