Los espertos de la Comisión Internacional piden-yos la oficialidá a los políticos asturianos

Dempués d'una xunta que tuvieron en Viena el pasáu fin de selmana, los espertos del l'Asociación Internacional pa la Defensa de les Llingües y les Cultures Amenazaes ficieron públicu ayeri un comunicáu en que llamen al Gobiernu asturianu a tener en cuenta les resoluciones de la Comisión Internacional pola salvaguarda de los derechos llingüísticos n'Asturies, comisión que visitó Asturies nel 2002 y el 2004 pa estudiar la situación de la llingua y les condiciones precises pa la so supervivencia.

L'AIDCLM remembra que les recomendaciones y encamientos del comité internacional puen resumise nún solu puntu, que ye la declaración del asturianu como llingua cooficial. L'AIDCLM concluye que "d'esta manera, el patrimoniu llingüísticu asturianu va poder caltenese y les sistuaciones de discriminación personal pol usu del asturianu van poder evitase" situaciones de discriminación que l'AIDCLM pon en rellación directa como casu exemplificante cola esperiencia de Catuxa Bermeyu "que por querer estudiar asturianu sufrió los prexuicios académicos del centru onde estudia"