Los comisarios europeos de la llingua visiten Asturies

Los comisarios europeos del comité de la Carta Europea de llingües rexonales Stefan Oeter
Y Philip Blair tan faciendo estos díes una ronda de consultes pel norte d'España, visitando Navarra, Euskadi, Asturies y Galicia pa conocer de primer mano la situación de les respectives llingües minorizaes d'estos territorios.

L'axenda de los comisarios europeos n'Asturies entamó ayeri cola so llegada a Asturies, aconceyando en primer llugar cola Academia de la Llingua Asturiana. Esta mañana, a les 10 y media, los comisarios van entrevistase col Director Xeneral de política Llingüística y promoción Cultural, Carlos Madera, tando previstes reuniones con representantes de la Xunta Pola Defensa de la Llingua Asturiana y otros colectivos a lo llargo d'una xornada intensiva.