Los Ciquitrinos van pal Cabanón

Col entamu la seronda lleguen los conciertos nos chigres abellugaos del fríu y la lluvia. El primeru ye esti xueves n'Avilés cola actuación de "Los Ciquitrinos".
"Los Ciquitrinos" tuvieron en bien de conciertos esti branu, nueches folk y romeríes ye l'espaciu natural d'esta banda que fai un folk que conecta mui bien col públicu. Les percusiones de Ruma Barbero y Antón García son un bon cimientu pal curdión, la gaita, el saxo y baxu, que s'encarguen de facer muñeires, dances, alboraes...etc, anque nel repertoriu destaquen delles pieces foriates con ritmos que nun son habituales nel repertoriu tradicional asturianu, mazurques, andrós, pasacais mirandeses y incluso ritmos brasileños.Pa velos namás que tenéis que dir a "El Cabanón", chigre que ta nel barriu de Sabugo d'Avilés, esti xueves a les 21:30.

Contador Estadistiques