Los Ciquitrinos en Xixón

El programa de conciertos de seronda del chigre "El Trisquel" de Xixón sigue cola actuación, de magar les nueve y media de la tarde de güei, miércoles 20 d'ochobre, del grupu avilesín "Los Ciquitrinos" banda de música tradicional que cuenta cola participación de músicos del nivel de los percusionista Ruma Barbero y Antón Barquero y que tien na figura del so cantante, Rubén Arias, un ganchu induldable pal públicu.

Música de calidá con interpretaciones dacuando heterodoxes de temes tradicionales asturianos mecíos con toques balcánicos y orientales y una puesta n'escena entretenida que se presta muncho pa locales pequeños, como ye'l casu, anque la banda tien demostrao que ye a pasar con nota la preba de los escenarios grandes, como demostraron esti ocho de setiembre en Mieres, cuando tocaron nos actos oficiales del Día d'Asturies