Los Berrones venden 5.000 discos nun día

Los Berrones siguen siendo un grupu de cultu ente los aficionaos,
preba d'ello ye qu'al poco de salir yá escosó la primer
edición del nuevu trabayu de los de Tolivia.



Según informa la casa de discos de "Los Berrones",
"Santo Grial
Producciones",
les 5.000 copies de la primer edición de "En Directo", el
doble CD+DVD que salió a la cai'l pasáu 13 de payares de "Los Berrones" escosaron el primer día. Esi
sábadu, el discu de Los Berrones convirtióse nel más vendíu d'Asturies, xenerando un terremotu discográficu que tuvo epicentru nel centru comercial d'Alcampo de l'Entregu, onde'l directu de los Berrones ye'l discu que más
exemplares vendió nun día dende qu'abrió esti centru comercial, anque nello inflúi lóxicamente que la cuenca del Nalón ye ún de los llugares d'Asturies onde más pasiones llevanta'l grupu de Tante Blanco. Los Berrones siguen en
forma, y agora'l grupu, como yá se propunxeren na presentación d'esti trabayu, van promocionar esti trabayu per fuera del país.
Bilbao, Santiago o Madrid son dellos de los destinos de
Los Berrones.