Los aspeutos xeobotánicos del Parque de Picos, temática d'una charra nel RIDEA

|
Los aspeutos xeobotánicos del Parque de Picos, temática d'una charra nel RIDEA

El profesor universitariu Tomás Emilio Díaz González protagoniza la segunda ponencia del 'V Ciclu de Conferencies Centenariu Cuadonga: Reginaes Nostrae Montibus'.

'Aspectos geobotánicos del Parque Nacional de los Picos de Europa' ye'l nome de la charra que va acoyer mañana, a les 19.30 hores, el Real Instituto d'Estudios Asturianos (RIDEA) dientro de les conmemoraciones venceyaes con Cuadonga nesti 2018: 1.300 años de los oríxenes del Reinu d'Asturies, un sieglu de la creación del Parque Nacional de la Montaña de Covadonga, anguaño de Picos de Europa, y el primer centenariu de la coronación canónica de la Santina. Andrés Martínez Vega, subdireutor de la institución, encárgase de coodinar esti ciclu de conferencies qu'abrió'l pasáu xueves el caderalgu eméritu d'Historia Medieval de la Universidá d'Uviéu Francisco Javier García Conde cola charra 'Covadonga: realidad y mito'.

Esta iniciativa, entamada en collaboración col Cabildo del Real Sitio de Covadonga, busca "contribuyir a esclariar importantes páxines de la historia del llugar, aspeutos artísticos, rellaicionaos col impresionante espaciu natural del entornu y cola espiritualidá que surde ente aquellos peñascos cola presencia dende l'Alta Edá Media de comunidaes relixoses encargaes de custodiar el Real Sitio". El restu de conferencies previstes son: 'El alborear de la imagen de Covadonga (estampas, pinturas y modelos anteriores al 1850), de Javier González Santos (15 de marzu); 'Religiosidad culta y piedad popular en el Real Sitio de Covadonga', de José Luis González Novalín (22); y 'La historia y Covadonga', de Isabel Torrente (27).

Contador Estadistiques